گەرمی ٢٤ ساعەت گوزەیشتە دەێدە ١١ ناوچەو پارێزگای عراق
شەفەق نیوز/ کرمی سەختیگ رەسیە ١١ ناوچە و پارێزگای عراقی لەناو گەرمترین ناوچەیل جهان لە ماوەی ٢٤ ساعەت گوزەیشتە.
ویستکەی پلاسیرفیلی لە کالیفۆڕنیای ئەمریکا خشتەیگ وە بەرزترین پلەیل گەرمی لە جهان لە ماوەی ٢٤ ساعەت گوزەیشتە بڵاو کرد ک ناوچەی ئەدرار لە دەوڵەت جەزائیر بەرزترین پلەی گەرمی لە جهان تۆمار کرد وە ٤٩،٩ پلەی سەدی، ئیجا پارێزگای دیوانیە لە پلەی دوویەم هات وە ٤٩،٥ پلەی سەدی تۆمار، ئیجا عەین ساڵح لە جەزائیر وە ٤٩،٥، لە پشتی پارێزگای سەماوە وە ٤٩،٤، ئیجا فڕۆکەخانەی ناودەوڵەتی بەسرە لە عراق وە ٤٩ پلەی سەدی.
خشتەگە دیاری کرد ک شار خانەقین لە پلەی شەشەم هات ک گەرمیەگەی رەسیە ٤٩ پلەی سەدی، و شار رەقان لە جەزائیر رەسیە ٤٨،٨، ئیجا پارێزگای نەجەف لە پلەی هەیشتەم بوی وە ٤٨،٥ پلەی سەدی، و کەربەلا لە پلەی نۆهەم وە ٤٨،٥ پلەی سەدی.
ناوچەی هیت لە پارێزگای ئەنبار لە پلەی دەهەم هات وە ٤٨،٤ پلەی سەدی، ئیجا پارێزگای ناسریە وە ٤٨،٢.
ناوچەی رفاعیەلە پارێزگای زیقار لە پلەی ١٢هەم بوی ک گەرمیەگەی رەسیە ٤٨،٢ پلەی سەدی، و ناوچەی بەدرە لە پارێزگای واسیت وە ٤٨ پلەی سەدی، ئیجا لە پلەی ١٤هەم شار حلە ناوەند پارێزگای بابل هات وە گەرمی ٣٨ پلەی سەدی.
ناوچەی جەهرا لە دەوڵەت کوەیت لە دویاترین پلەیل هات ئەوەیش وە ٤٨ پلەی سەدی.
لەی خوارە، خشتەی بەرزترین پلەیل گەرمی لە جهانە:
