پەرلەمانتاریگ کورد: ناکۆکیەیلیگ شیعە- سوننە بڕیاردان بوودجەگە پەک خستن
شەفەق نیوز/ هەرێم ئاغا نۆێنەر یەکێتی نیشتمانی کوردستان، ئمڕوو یەکشەممە، دووپات کرد ک ناوکۆکیەیل ناونی خود هێزە شیعەکان و لەناوبەین هێزە شیعە و سوننەکان پەک بڕیاردان یاسای بوودجەی داراییەگە خست، و هیچ وەرپرسایەتییگ لەلایەن هێزە کوردەکان لەدیرکەفتن بوودجەگە نییە.
ئاغا ئەرا ئاژانس شەفەق نیوز وت: ئەگەر هێزە شیعەکان لەناونی خوەیان لەلاییگ، و وەگەرد بەشیگ لە هێزە سوننەکان بکردیان، وەنە بوودجەگە وەبی کورد رەد کردیان، بەڵکم ناکۆکیەیل فراوانیگ هیشتن بڕیاردان یاسای بوودجەگە دیر بکەفێد.
ئاغا دیاری کرد ک ناوکۆکیەیل هێزە شیعەکان جەخت لەبان نرخ خەرج دۆلار و بەشەیل پارێزگاکان و دەر و بەندەیلیگ تر کردن، و ناکۆکیە شیعە- سوننەگە لەبان داوایل هێزە سوننەکان وە پڕۆژەیل بەرهەمهاوردن و تەرخانکردن دارایی و گواستنەوەیل لە پارێزگا خوەرئاواییەکان بوی.
ئاغا وتیش؛ داواکاریەیل بەشیک لە هێزە شیعە و سوننەکان سەخت بوین، و لە ئاست و دەرەیل بوودجەگە لەی رەوشەیلە فرەتر بوین، و دووپات کرد ک هێزە کوردەکان وەگەرد هێزە شیعەکان لەبان بڕیاردان بوودجەگە رێک کەفتن، وەلی لە ناو دانیشتنەگە رێککەفتنەگە دەربارەی باسکردن لە یاسای بوودجەگە جیوەجی نەکریا.
