پەرلەمان وەختەگە ئەرا دانیشتن بوودجەگە وە واز هیلێد
شەفەق نیوز/ ئەنجومەن نۆێنەران عراق، دانیشتنەگەی ک بڕیارە ئمڕوو شەممە ئەنجام بەێد، ئەرا دەنگدان لەبان بوودجەی فیدڕاڵی ئەرا ساڵ ٢٠٢١ وە واز هیشت، و دەسەی دارایی لە پەرلەمان ئەوەسا کۆبونەوەی یەکلاوەکەریگ کەێد ئەرا باسکردن لە دەقەیل پڕۆژەی یاسای بوودجەگە.
سەرچەوەیگ پەرلەمانی ئەرا ئاژانس شەفەق نیوز وت: ئەنجومەن نۆێنەران وەختیگ ئەرا دانیشاتنەگەی ئمڕوو دیاری نەکرد، لەوەر نەوین رێککەفتنیگ سیاسی فەرمی ئەرا دەنگدان لەبان یاسای بوودجەگە.
سەرچەوەگە دیاری کرد ک وەختە دیاریکریایەگە لەلایەن سەرۆکایەتی پەرلەمان لەباوەت دانیشتنەگە رۆتینی بوی، و ئاماژە کرد ک وەخت دانیشتنەگە هالە ناونی ٢ نیمەڕو و ٥ دویای نیمەڕو.
وتیش؛ دەسەی دارایی لە پەرلەمان ئەوەسا دانیشتنیگ یەکلاکرەوە ئەرا باسکردن لە بەشیگ لە مادەیل بوودجەگە و دووارە نووسانن شیوەگەی ئەنجام دەێد، و دویای ئەوە پەرلەمان دانیشتنەگەی ئەرا دەنگدان لەبان پڕۆژەی یاساگە کەێد.
