پۊچەڵکردن تەقەلای هاتن داعشیگ ئەرا ناو بەغدا و دەسگیرکردن قاچاقچی نەفت
شەفەق نیوز/ سرۆکایەتی ئۆپراسیۆن بەغدا، ئمڕوو دوشەممە، راگەیان پۊچەوکردن تەقەلای چگنە ناو ئەندامیگ لە رێکخریاگ داعش ئەرا ناو پاێتەخت، لەهەمان وەخت دەسگیرکردن چەتەیگ قاچاقی نەفت.
سەرۆکایەتیەگە لە بیاننامیگ رەسیە ئاژانس شەفەق نیوز وت، " هێزەیل لە لیوای پەنج تیپ دۊیەم پۆلیس فیدراڵی وە هەماهەنگی وەگەرد هەواڵگێری و ئاسایش ئۆپراسیۆن بەغدا، توەنستن تیرۆرستیگ دەسگیر بکەن لە وەخت تەقەلآ داین ئەرا چگن وەرەو ناوچەی غەزالیە لە خوەرئاوای بەغدا، لە لێکۆلینەوە سەرەتایەیل دان نایە وە ئەوەی چەتەی داعش تیرۆرستە/ ویلایەت ئەنبار نازناوی ابو عوسمانە.
وتیش: " وهێزەیل لە لیوای یەک تیپ یەکەم پۆلیس فیدراڵی وە هاوبەشی وەگەرد مەفرەزەی لە دەزگای ئەمن نیشتمانی نۊسینگەی نەهروان و مەفرەزیگ لە وەڕێەوبەرایەتی وزە تۊنستنە باندیگ چوار کەسی دەسگیر بکەن ک لە قاچاقی کردن وە نەفت خام و سەرچەوەیل چەک بی مۆلەت وەپیان بۊە، و دۊای ئەوەگ تەڵەی قایمیگ ئەرایان دانریا و وەگەرد رەسین زانیاریایەیل هەواڵگیری ک لە ئەمبارەیل فروشتن مادەی (ئالیک ئاژەڵ) شۊنیگ پەیاکریا ک لە رێیەو نەفت خام دەرکریایە راستەوخۆ لە لۊلەگە لە ناوچەی هۆلەندیە لە لای رەسافە.
دیاریکرد،" تاوانبارەیل و مادەیل دەسوەبان گریاگ کلکریانە ئەرا دەزگای تایبەت وەی تاوانەیلە وەگورەی یاسای دادپەوەری.
