ئەرا یەکەمین جارە.. شاندیگ لە ڤاتیکان سەردان مەزارگای ئیمام عەلی لە نەجەف کەێد
شەفەق نیوز/ شاند دەوڵەت ڤاتیکان وە سەرپەرشتیاری کینیا لیسکوفار گەورای ئەسقوفەگان، ئمڕوو پەنجشەممە، سەردان مەزارگای ئیمام عەلی لە یەکەمین جارە ئەرا نەجەف کرد.
نووسینگەی راگەیانن عەتەبەی عەلەوی لە بەیاننامەیگ رەسیە ئاژانس شەفەق نیوز وت: لیسکوفار گەورای ئەسقوفەگان گەردیە ناو مەزارگاگە، و نووڕستە سیمایل مێژوویی و ئاسەواریەگان، و گووش لە باسکردن کوڵیگ لەو پڕۆژەیلە گرد ک دیرن ئەرا خزمەت ئەو شوونە و زیارەتکەرەگان ئەنجام دەن.
بەیاننامەگە لە زوان پاپا لیسکوفار وت: ئی شوونە ئەراک فرە لە ئیماندارەگان پیرووزە، و خوەی جوور دەرفەت گرانیگە ئەرام تا باس لە رێزم بکەم، و ئی سەردانە ئەرا من فرە گرنگە.
لیسکوفار وتیش: ئی شوون پیرووزە پەیوەندی وە مێژوو مرۆیایەتی وەرجە مێژوو ئاینەگان دیرێد، و ئەیە لەلی لەهوریمانم مەنیەسەو، و ئیمە و شیوەیگ گشتی برایەتی لە مرۆیی گردمانەو کەێد.
لە کۆتایی وت: فرە سوپاس لەلیدان کەم ئەرا خاسی پێشوازیەگە و خانەدانی میوانیەگە، فرە سوپاس و خودا بەرکەت گشتدان بکەێد.
