ئەرا یەکەمین جارە.. ١٠ شار عراقی لەناو گەرمترین ناوچەیل جەهان
شەفەق نیوز/ ١٠ شار عراقی، ئمڕوو شەممە، گەرمترین پلەی گەرمی لە ناوچەیل جەهان لە ماوەی ٢٤ سەعات گوزەشتە توومار کردن.
یەیش یەکەم جارە بوود، دویای ئەوە ک تەنیا پارێزگای بەسرە جویر تەنیا شاریگ عراقی بوی لەناو گەرمترین ناوچەیل جەهان.
ویستگەی "بلاسيرفيل" لە کالیفۆرنیای ئەمریکا، خشتەیگ وە ١٥ ناوچە وشار جەهانی بڵاو کرد ک بەرزترین پلەی گەرمی لە جەهان وەماوەی ٢٤ سەعات گوزەشتە توومار کردنە.
خشتەگە دیاری کرد ک شار "عەین تەمر" لە پارێزگای کەربەلا بەرزترین پلەی گەرمی لە جەهان توومار کرد وە ٤٨ پلەی سیلیزی، ئیجا لە پلەی دویەم پارێزگای نەجەف وە ٤٧،٤ پلەی سیلیزی، و لە پلەی سێیەم فڕۆکەخانەی ناودەوڵەتی بەغداد لە عراق وە ٤٧ پلەی سیلیزی، ئیجا شار خانەقین لە پلەی چوارەم هات وە ٤٧ پلەی سیلیزی، و ئیجا شار سەماوە وە ٤٧ پلەی سیلیزی کەفتە پلەی پەنجەم.
وەگورەی خشتەگە، شار دیوانیە لە عراق کەفتە پلەی شەشەم وە ٤٦،٧ پلەی سیلیزی، و ناوچه‌ی محیلما لە جەزائیر لە پلەی هەفتەم وە ٤٧،٤ پلەی سیلیزی، ئیجا شار ناسریە لە عراق وە ٤٦،٤ پلەی سیلیزی، و لە پلەی نۆهەم شار سەڵاح لە جەزائیر وە ٤٦،٣ پلەی سیلیزی، و ناوچەی رقان لە جەزائیر وە ٤٦،٣ پلەی سیلیزی، ئیجا شار هیت لە عراق لە پلەی ١١ وە ٤٦،٢ پلەی سیلیزی، وشار کووت لە عراق لە پلەی ١٢ هات وە ٤٦،٢ پلەی سیلیزی، ئیجا ناوچەی تقرت لە جەزائیر لە پلەی ١٣ وە ٤٦،٢ پلەی سیلیزی، ئیجا ناوچەی ئەدرار لە جەزائیر لە پلەی ١٤ وە ٤٦ پلەی سیلیزی، و لە دویاترین پلە ناوچەی عەزیزیە لە واست عراق هات وە ٤٦ پلەی سیلیزی.
ئاژانس شەفەق نیوز خشتەیگ گەرمترین ناوچەیل جەهان بڵاو کەێد:
