کەرکوک...پۆلیس پەلاماردەرەیل بان ئەفسەرەگە دەسگیر کەێد
2024-03-06T14:48:42+00:00
شەفەق نیوز/ سەرچەوەیگ ئمەنی، ئمڕوو چوارشەممە، خەوەردا لە دەسگیرکردن دوو توومەتبار تەقەلای وە ئامانجگردن ئەفسەریگ پلە بەرز دانە وە پلەی عەقید پۆلیس لە ناوڕاس پارێزگای کەرکوک.
سەرچەوەگە وە ئاژانس شەفەق نیوز خەوەردا، " لەدویای ئەوەگ دوو چەکدار پەلامار ئەفسەریگ وە پلەی عەقید دەن و نیەتوەنن زەخمداری بکەن لە پەلامارەگەیان، برای ئەفسەرەگە و مەدەنیگ لە کیچەی رووناکی کەنە ئامانج، مەفرەزەی پۆلیس ئمڕوو دەسکردە جویلە و وەدویاچگن ئەرا کامیرایەیل چەودێری رەسینە وینەی پەلاماردەرەیل لەماوەی چەن ساعەتیگ توەنستن پەلاماردەرەیل دەسگیربکەن".
سەرچەوەگە وتیش، "پۆلیس توو توومەتبارەگە ئەرا بنکەی زیندان بردیە تا رادەس دادگا بکریەن ئەرا وەرگردن سزای دادپەروەرانەیگ".
