دوو کورد فەیلی بوونە خاوەن کورسی (کۆتا) لە هەڵوژاردن ئەنجومەن پارێزگایل عراق

حەسەن سەلمان راویژکار یاسایی لە کۆمسیۆن، ئەرا ئاژانس شەفەق نیوز وت: سەرکەفتگەیل وە کورسیەیل کۆتای پیکاتەیل لە بەغداد لەبان سێ کورسی بەشەو بوین، ئەویش ئەرا کاندید کورد فەیلی (عامر داود ئیبراهیم شەریف فەیلی) و کاندید مەسیحی (فائز سەلاح عەبوش ئەیوب سەمعان) و سابیئی (خەلدون فرەج جابڕ عەبد زهێری).

وتیش: لە پارێزگای واست (عادل محمد کازم جودی) بویە خاوەن کورسی کورد فەیلی، و لە کەرکوک (ئینجیل زیا شیبا زەیا برواری) بویە خاوەن کورسی مەسیحی.

 سەلمان وتیش: لە پارێزگای نەینەوا (محمد عارف یوسف قەنبەر شەبەک) بویە خاوەن کورسی شەبەک، و (رەبیع یوسف ئەلیاس حەجی سوران) کورسی مەسیحی بویە بەشی.

 وتیش؛ لە پارێزگای میسان، (ریاز عەبدولواحد شلاکە سەعید ئەلسەعید) بویە خاوەن کورسی مەندائی، و لە بەسرە (نائل غانم عەزیز حەنا ساکۆ) کورسی مەسیحی.