دویاترین دوو هەفتەی گەرمی لەی تاوسانە
2021-08-22T07:53:30+00:00
شەفەق نیوز/ پێشبینکار کەشناسی، ئەحمەد تمیمی، ئمڕوو یەکشەممە، مەزەنە کرد وڵاتەگە بکەفێدە وەر دویاترین شەپۆل گەرمی لە ماوەی ئی هەفتە و هەفتەی ئایندە، تا کەم کەم دویای ئەوە گەرمیەگە داوەزێد.
تمیمی ئەرا ئاژانس شەفەق نیوز وت: پلەی گەرمی لەماوەی هەفتە و هەفتەی ئایندە لە بەرزەوبوینی وەردەوام بوود، تا بڕەسێدە کۆتایی چلەیلە لە ناوچەیل باشوور و فورات ناوڕاس.
وتیش؛ یەیشە لەوەر گەشەکردن جەختیگ باڵا لە کەشوهەوا تیەێد ک زاڵەو بوود، و خوەی دویاترین بەرزەوبوینە لە وڵاتەگە وەگەرد کۆتایی وەرز تاوسان، و هەر لە ناوڕاس مانگ ئەیلول گەرمیەگە کەم کەم شکیەێدەو.
