دویای چەن ساڵیگ لە هشکی.. زیاتر لە یەک ملیار لتر شەشپاڵوو ئاو زاێدە ناو دەریاچەی حەمرین
2024-05-05T07:26:27+00:00
شەفەق نیوز/ زەید ئیبراهیم عەزاوی قایمقام قەزای موقدادیە، ئمڕوو یەکشەممە، راگەیان کە ئاست ئاو لە دەریاچەی حەمرین لە یەک ملیار و ٢٠٠ ملیۆن لتر شەشپاڵوو رەد کرد، کە یە بەرزترینە وەماوەی چەن ساڵیگ.
عەزاوی لە بەیاننامەیگ رەسیە ئاژانس شەفەق نیوز وت: ئی وارانەیل دویاییە بەنداو دەربەندیخان پڕ لە ئاو کرد، و لەورەو وەرەو دەریاچەی حەمرین مەرەقەز کریا.
وتیش: هیمان تەکان ئاوەگە وەردەوامە چوینکە بەنداو دەربەندیخان وەی واران دویاییە پڕەو بوی، کە تا ئیسە لە دەریاچەی حەمرین یەک ملیار و ٢٠٠ ملیۆن لتر شەشپاڵوو رەد کردگە.
عەزاوی مەزەنە کرد کە بڕەیلیگ فرەتەر لە تەکان ئاوەگە وەی رووژەیل بانانە بڕەسێد، کە ئاو دەریاچەی حەمرین زیای کەێد، دویای ئەوەگ لە ساڵەیل گوزەشتە هشکەو بوی.
جی باسە کە ئی مەرەقەزکردن ئاوە لە بەنداو دەربەندیخان وەرەو دەریاچەی حەمرین، گەورەترینە لە ساڵ ٢٠١٩ تا ئیسە.
