دویای زەویلەرزەی سوریا.. زەویلەرزەناسی عراق دڵنیایی کەێد: هویچ رخیگ لەبان ناوچەیل باکوورمان نییە
عەلی عەبدولخالق سەرۆک بەش زەویلەرزەناسی ئەرا ئاژانس شەفەق نیوز وت: ئەو زەویەیلە کە داد لە سوریا لە سەنتەر زەویلەرزەی سلمیە دویەکە وە تونی ٥.٤ پلە لەبان پەیمانەی ریختەر، کەفێدە خوەرهەڵات زەنگ دەریای مردگ وە مەودای ٨٠ کیلۆمەتر لەلای کەمەو، و لەبان ئەوە بیگومان زەویلەرزەگە لە ئەنجام کەڵەکەبوین زوور تەکتۆنی لەبان یەکیگ لە پارچەیل دەریای مردگ رویداگە.
وتیش؛ سوریا تەکان زەویلەرزە وەخوەی دی وەرجە زەویلەرزە سەرکیەگە، کە روانگەیل ئیمە زەویلەرزەیگ وەتونی ٤ پلە توومار کردن، ئیجا زەویلەرزە سەرکیەگە هات، وتیش: تا نیمەڕو ئمڕوو سێشەممە لەرزە بویە، و زیاتر لە ١٥ تەکان توومار کریاس وەتونی تا ٣ پلە لەبان پەیمانەی ریختەر، کە وەپی ئویشن (ئافتەر شۆک).
عەبدولخالق وتیش: ئەو زەویلەرزەیلە کە لە بەشیگ لە گورجی ناو دەریای مردگ و زەنگ زەوی تەکتۆنی سوریا بویە، کە لە خوەرهەڵات پارچەی تەکتۆنی ئەنادۆڵ درویژەو بوود تا رەسێدە پارچەیل تەکتۆنی عەرەبی لە باکوور عراق، وتیش؛ هویچ رخیگ لەبان ناوچەیل باکوور عراق نییە.
