دویای رووژەیل گرپە.. خەورەیل گەشبینانه‌ لەباوەت کەشوهەوا و شکانن گەرمیەگە

شەفەق نیوز/ دویای چەن رووژیگ لە گرپەی گەرمیەگە ک شارەیل عراق وەخوەیان دین لە ماوەی کەم گوزەیشتە، دەزگای کەشووهەوا و رەوانگەی زەویلەرزە، ئمڕوو یەکشەممە، خەوەردا ک سوو دووشەممە پلەی گەرمی کەمەوبوود، تا لەبەغداد بوودە ٤٥ پلەی گەرمی، وبەسرە ک فرە گەرمترینە لە عراق لە ٥٣ پلە ئەوەسا داوەزێد ئەرا ٤٠ پلە. راپۆرتیگ ئەرا دەزگاگە ئاژانس شەفەق نیوز چەودیری کرد وت: کەشوهەوای سوو دووشەممە ئەوەسا لە ناوڕاس و باکوور بوودە خوەر گەرم، و لە باشوور بوودە خوەر فرە گەرم، و ئاماژەدا ک پلەی گەپ گەرمی لە شار بەغداد بوودە رێژەی ٤٥ سەدی و بەرزترینەگەی لە پارێزگای بەسرە رەسێدە ٤٩ پلەی سەدی، و پلەی بویچگ بوودە ناونی ٣١ ل بەسرە و ٢٣ لە مووسڵ، و رێژەی تەڕی بوودە ناونی ١٥-١٧%. وتیش؛ کەشوهەوای سێشەممەی ئایندە، لە ناوڕاس و باکوور، بوودە خوەر گەرم وەل دیارکەفتن چەن بەشیگ لە ئەور، و پلەی گەرمی ئاڵشت نێەوود، و لە باشوور بوودە خوەر گەرم، و کەمیگ پلەی گەرمی داوەزێد. هەمیش وت: کەشوهەوای چوارشەممە، لە ناوڕاس بوودە خوەر گەرم وەگەرد داوەزینیگ لە پلەی گەرمی، و لە باکوور خوەر گەرم وەگەرد بەشیگ لە ئەور و پلەی گەرمی نزیک لە رووژ گوزەیشتە، و لە باشوور خوەر گەرم وەبی ئاڵشتی لە پلەی گەرمی. بەیاننامەگە ئاماژەدا ئەرا کەشوهەوای رووژ پەنجشەممە، لە ناوڕاس بوودە خوەر گەرم و ئاڵشتی لە گەرمی نیە، و لە باکوور خوەر گەرم وەگەرد بەشیگ ئەور و گەرمیەگە ئاڵشت نێەوود، و لە باشوور خوەر فرە گەرم، وەگەرمی هاوشیوەی رووژ گوزەیشتەی.