داوەزیان نرخ دۆلار وەگەرد بەسیان بۆرسەی بەغداد و هەولێر
2023-07-08T13:46:08+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو شەممە، وەگەرد بەسیان بۆرسەی بەغداد پایتەخت و هەولێر پایتەخت هەرێم کوردستان، ئەرا زیاتر لە یەک دۆلار داوەزیا.
پەیامنێر ئاژانس شەفەق نیوز وت: نرخ دۆلار ئەمریکی، ئیوارەی ئمڕوو، وەگەرد بەسیان بۆرسەی سەرەکی کیفاح و حارسیە لە بەغداد پایتەخت رەسیە ١٤٧٣٥٠ دینار عراقی وەرانوەر ١٠٠ دۆلار ئەمریکی.
شەوەکی ئمڕوو، نرخ ١٠٠ دۆلار ئەمریکی رەسیە ١٤٧٥٥٠ دینار عراقی.
پەیامنێر ئاژانسمان وتیش؛ نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی ١٤٨٢٥٠ دینار عراقی، و نرخ سەنینی رەسیە ١٤٦٢٥٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش داوەزین توومار کرد ک نرخ فرووشتن ١٠٠ دۆلار ئەمریکی رەسیە ١٤٧٣٥٠ دینار عراقی، و نرخ سەنینی رەسیە ١٤٧٠٠٠ دینار عراقی.
