داوەزیان نرخ دۆلار وەگەرد بەسیان بۆرسەی بەغداد و هەولێر
2024-05-26T17:09:50+00:00
شەفەق نیوز/ نرخ دۆلار ئەمریکی وەرانەور دینار عراقی، ئمڕوو یەکشەممە، وەگەرد بەسیان بۆرسەی سەرەکی بەغداد پایتەختر و لە هەولێر پایتەخت هەرێم کوردستان، داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 145400 دينار عراقی وەرانەور 100 دۆلار ئەمریکی دەرەیلیان بەسان.
شەوەکی ئمڕوو، نرخ 100 دۆلار ئەمریکی رەسیە 145600 دينار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن 100 دۆلار ئەمریکی رەسیە 146500 و نرخ سەنینی رەسیە 144500 دينار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزیان توومار کردر کە نرخ فرووشتن 100 دۆلار ئەمریکی رەسیە 145250 دينار عراقی، و نرخ سەنینی رەسیە 145150 دينارا عراقی.
