داوەزیان نرخ دۆلار لە بەغداد و بەرزەوبوین لە هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت داوەزیا  و لە هەولێر بەرزەوبوی.

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 146,900 دینار عراقی وەرانوەر 100 دۆلار ئەمریکی.  رووژ پەنجشەممە، نرخ دۆلار رەسیە 147,050 دینار عراقی وەرانوەر 100 دۆلار ئەمریکی.    

پەیامنێرمان وتیش؛ نرخ فرووشتن و سەنین لە دوکانەیل بەغداد  رەسیە 148000 دینار عراقی وەرانوەر 100 دۆلار ئەمریکی، و نرخ سەنینی رەسیە 146000 دینار.     

لەهەولێر پایتەخت  هەرێم کوردستانیش نرخ دۆلار بەرزەوبوین وەخوەیدی، کە نرخ فروشتن رەسیە 147,050 عراقی وەراوەر 100 دۆڵار ئەمریکی، و نرخ سەنینی 146,950 عراقی وەرانوەر 100 دۆلار ئەمریکی.