‏داوەزیان گەپیگ نرخ خام بەسرە

‏شەفەق نیوز ـ بەغدا

‏نرخ نەفت خام بەسرە وە هەردووگ جویر قورس و ناوڕاس، ئمڕوو سێشەممە،  5% داوەزیان وەخوەی دی وەگەرد داوەزیان نرخ نەفت لە بازاڕەیل جیهانی.

‏ نرخ خام قورس بەسرە  3.26 دۆلار داوەزیا یەکسانە وە 5.11%‎‎ رەسیە 60.49 دۆلار ئەرا هەر بەرمیلیگ، خام ناوڕاس بەسرە 3.26 دۆلار و وە رێژەی  4.92% داوەزیا رەسیە 62.94 دۆلار ئەرا هەر بەرمیلیگ.

‏ نرخ نەفت لە بازاڕ جیهانییەیل داوەزیا،  دویای کەمەوبوین رخداریەیل  جیۆپۆلیتیکییەیل وە مدوو رێککەفتن لەبان دەسوەپیکردن  دانوستانە ئەتۆمییەیل ناوەین ئەمریکا و ئیران کە بڕیارە لە تورکیا وەڕیوەبچێد، بیجگە لە زەرزەوبوین بەهای دۆلار ئەمریکی.

‏لە بازاڕەیل، نرخ بەرمیلیگ نەفت خام برێنت ئەرا 65.92 دۆلار داوەزی، هەمیش نرخ نەفت خام تەکساس ئەمریکی رەسیە 61.82 دۆلار.

‏