داهاتەیل عراق وە ٧ مانگ لە ٢٠٢٤ لە ٧٧ ترلیۆن دینار رەد کەێد
شەفەق نیوز/ وەزارەت دارایی عراق، ئەمروو سێشەممە، ئاشکرای قەوارەی داهات عراق لە بودجەی فیدراڵی لە ماوەی 7 مانگ کرد کە لە 77 ترلیۆن دینار رەد کردیە، ئەوەیش دووپات کر کە بەشداریی نەفت لە بودجە نزیکەی 89% مەنیە.
ئاژانس شەفەق نیوز پەیڕەوی لەو داتا و خشتەیلە کرد کە لە مانگ ئاب گوزەشتە ئەر سا دارایی هەشمار مانگەیل کانوون دویەم، شوبات، ئازار، نیسان، ئایار، حوزەیران و تەمموز لە ساڵ دارای ئیسە دەرچگە، کە دەرخست کە هیمان نەفت سەرچەوەی سەرەکییە ئەرا بودجەی گشتی عراق، کە رەسیە 89%، یەیش نشانەس ئەرا ئەوە کە ئابووری نەفتی بنەمای بودجەی گشتی وڵاتە.
لە خشتە داراییەیل باس ئەوە کریاس کە بڕ داهات هەوت مانگ ئمساڵ 77 ترلیۆن و 475 ملیار و 502 ملیۆن و 239 هەزار و 546 دینار بویە، ئەوەیش نشانەس ئەرا ئەوە کە بڕ پێشینەیل رەسیە 15 ترلیۆن و 664 ملیار و 477 ملیۆن و 820 هەزار و 559 دینار.
وەگورەی خشتە داراییەیل، داهات نەفت 69 ترلیۆن و 55 ملیار و 827 ملیۆن و 984 هەزار دینار بویە، کە 89% بودجەی گشتیە، و داهات نانەفتیش 8 ترلیۆن و 317 ملیار و 883 ملیۆن و 512 هەزار دینار بویە.
لەلای خوەییش، محەممەد ئەلحەسەنی شارەزای ئابووری لە دیداریگ وەرد ئاژانسیشەفەق نیوز وت: گیچەڵ ئابووری لە عراق چوودەو ئەرا شکست ئەو رژیمەیلە کە حوکمڕانی عراق کردنە ئەرا رەسین ەە ئەرک گامەیل وەرەو ئابوورییگ گەشەسەن لە ری بەرهەمهاوردن سامان نەفت لە هەمەچەشنکردن ئابووری و دروسکردن دەرفەت دامەزریان بەرهەمدار و بەرزکردن ئاست گەشەسەنین مرۆیی.”
حەسەنی وتیش: "گورجکردن بڕیگ یاسا گرنگە کە گاڵ کەرت تایبەتی ناوخۆیی و بیانی دەێد ئەرا چگن ئەرا ناو بازاڕ عراق، لەوانە یاسایل گومرگی، مقیەتیکردن بسین، ریگریکردن لە زەفتکردن و چشتەیلیگ تر".
مەزهەر محمد ساڵح، سڵاکار سەرۆک حکومەت ئەرا کاروبار دارایی، لە مانگ ئازار 2021، لە دیداریگ وەرد ئاژانسیشەفەق نیوز، دووپات کرد کە مدووەیل مەنین ئابووری لەبان نەفت چوودەو ئەرا جەنگەیل و چەسپیان گەمارۆی ئابووری لەبان عراق لە سەردەم گوزەشتە و ئەو ململانێ سیاسیەیلڵ ئمڕوو بەڵگەن، کە بویە مدوو گومابوین بۆ سەرچەوەیل ئابووری.
