دادوەری عراق یاداشت دەسگیرکردن لەبان سەرخی دەرکەێد
شەفەق نیوز/ دادگای لێکۆڵینەوەی عمارە، ئمڕوو چوارشەممە، یاداشت دەسگیرکردن لەبان توومەتبار (مەحمود عەبدولرزا محمد) وەنازناو (مەحمود سەرخی) دەرکرد.
ناوەند راگەیانن ئەنجومەن دادوەری باڵا لە بەیاننامیگ وت: دادگاگە یاداشت دەسگیرکردن وەگورەی فەرمان مادەی (٣٧٢) دەرکرد ک ئاشکرای سزادان هەرکە کەێد ک وەهەر شیوەیگ ئاشکرا دەسدرۊژی لەبان باوەڕ ئایینی هەر لایەنییگ بکەێد یا سووکایەتی وە رسوومەیلی بکەێد.
سەرخی یەکیگ لە شاگردەیل مەرجع محمد محمد سادق سەدرە ک خوەی و دوو کوڕی لە کۆتایی نەوتەیل سەدەی گوزەشتە لە شار نەجەف کوشیان، و دۊای رمیان رژیم سەدام حسێن لە ساڵ ٢٠٠٣ ، سەرخی خوەی خستە ئاست مرجعیەت، باوجی رەزامەنی لە چینەیل حەوزە وەرنەگرد.
سەرخی یەکیگە لە مەرجعەیل شیعە ک قسەوباسیگ لەبانی هەس، دۊای ئەوە ک لەبنەمای هۊرکردن بن تەیمیە کەفتە ئیوەتکردن، و ئەوەیش یەکیگ لە سەختترین دوژمنەیل مەهەزبەیل شیعیە، وەتایبەت ئیمامیەیلی.
لە رووژەیل گوزەشتە، لەناو خوتبەی نماز جمعە، خەتیبەیلیگ سەرخی داوای رمیان مەنزڵگایل ئال بەیت کردن، ک توڕەیی لەلای جادەی شیعەی عراق پەیا کردن، لەناویان موقتەدا سەدر ریبەر رەوت سەدر، تا دەیان کەس پەلامار مزگەفت و حسێنیەیل لایەنگرەیل سەرخی بیەن، و دەیان لەلیان لەلایەن دەزگا ئەمنییەیلە وە توومەت تونەڕەوی و فیتنە ناین دەسگیر بکریەن.
