داڵگ و باوگیگ لە بەغداد دویەتیان وە ١٠ هەزار دۆلار فرووشن
2022-07-25T06:58:47+00:00
شەفەق نیوز/ ئاژانس وەزارەت ناوخۆ ئەرا کاروبار پۆلیس، ئمڕوو دووشەممە، خەوەردا ک باوگ و داڵگیگ خوازینە دویەت خوەیان وە ١٠ هەزار دۆلار بفرووشن.
لە بەیاننامیگ وت رەسیە ئاژانس شەفەق نیوز وت: زانیاریەیلیگ رەسینە مەفرەزەیل دژە تاوان بەغداد/ بەش نەهیشتن تاوانەیل بازرگانی وە ئایەم، لە باوگ و داڵگیگ خوازن دویەتەگەیان بفرووشنە ژنیگ کار لە بازرگانیکردن وە ئایەم کەێد، وەرانوەر ١٠ هەزار دۆلار ئەمریکی.
وتیش: لەوەر گرنگی ئەو باوەتە، وە کوتپڕ تیمیگ دروس کریا، ودویای مینەکردن و گردەوکردن زانیاری، وە کوڵەگردن توکمەیگ دوو توومەتبارەگە لە ناوچەی مەنسوور وەتاوانەو دەسگیر کریان، و لەناو لێکۆڵینەوە ئاشکرای تاوانیان کردن، ک تەگبیر ئەرا فرووشتن دویەتەگە وە پویل کردنە.
