دەسگیرکردن نەوەی سەدام حسێن
شەفەق نیوز/ میدیایەیل راگەیانن لوبنانی، ئمڕوو جومعە، خەوەردان لە دەسگیرکردن نەوەی زڕبرای سەرۆک وەرین رژێم عراق سەدام حسێن وەلایەن پۆلیس ناودەوڵەتی(ئنتەرپول) لە بەیروت.
میدیایەل راگەیانن ناوخوەیی و عەرەبی پارچە ڤیدیۆ توومارکریاگ سەعەد سەبعاوی ئیبراهیم حەسەن، برازای سەدام حوسەین بڵاوکردن، ک داوا کەێد لە رێکخریاگەیل عەرەبی و ناودەوڵەتی ک پەیوەنی وە ماف مرۆڤ دیرن، دەسبیەنە وەر ئەرا زانیین چارەنوس برازاگەی، (عەبدولا یاسر سەبعاوی) ک وەلایەن دەسڵاتدارەیل ئەمنی لە لوبنان دەسگیر کریاگە.
سەرچەوەیگ ئەمنیش خەوەردا، " نەوەی برای سەدام، ئیرەنگە وەلایەن دەزگای ئەمن گشتی(لوبنانی نین) گیریایە چەوەری بڕیار دادگای لوبنان کریەێد لەباوەت ئەوەگ ئازادکریەێد یا دریەێدە دەس دەسڵاتدارەیل عراقی".
عەبدولا یاسر سەبعاوی ئیبراهیم کوڕ سەبعاوی ئیبراهیم حەسەن تکریتیە زڕبرای سەدام حوسەین، بڕیار زیندانیکردن هەتاهەتایی ئەرای دەرچگە وە توومەت کلکردن پویل ئەرا چەکدارەیل و دروسکردن بومب.
