دەسگیرکردن جینشین وەزیر پیشەسازی و کانزایەیل مەوقەی وەرگردن وەرتیل

شەفەق نیوز- موسەننا

سەرچەوەیگ ئەمنی، رووژ سێشەممە، خەوەردا لە دەسگیرکردن جینشین وەزارەت پیشەسازی و کانزایەیل عراقی ناسر کازم جەبر، مەوقەی وەرگردن وەرتیل.

سەرچەوەگە ئەرا ئاژانس شەفەق نیوز رووشنەو کرد کە دەسگیرکردنەگە لەلایەن هیزیگ لە دەسەی دەسپاکی، لەناو پارێزگای موسەننا جیوەجی کریاس.

 عراق هەڵمەتیگ فراوان ئەرا رویوەڕویبۊن گەندەڵی وەخوەیەو دۊنێد، کە وەرپرسەیل گەورایگ لە دەوڵەت و پەرلەمانتارەیل لەناو پەرلەمان گردەو، وەختیگ سەرۆک وەزیرەیل عەلی زەیدی دەس کردە هەڵمەتیگ دەسگیرکردن ئەرا شمارەیگ لەوانەگ دەسیان هاناو وە دۆسیەیل گەندەڵی دارایی، کە ناو "گوڵسوو یەکشەممە" و "پەلامار گوڵسوو" وەپیان نریا، وە مدوو ئەوەگ یەکەم ئۆپەراسیۆنەیل لە شەفەق رووژ یەکشەممە 28 حوزەیران 2026 روی دان.

ئۆپەراسیۆنەگە لە وەخت خوەی دەرچگن فەرمانەیل دەسگیرکردن و داواکردن و لێکۆڵینەوە گردەو کە دەیان وەرپرس و سیاسەتمەدار دیار گردەو، لە ناویان پەرلەمانتارەیل و وەرپرسەیل وەرین و ئیسە و پیاوەیل کار، وە توومەتەیلیگ کە پەیوەندی وە گوماکردن سامان گشتی و دەسکەفت نایاسایی دیرن.