دەسگیرکردن توومەتباریگ وە تیرۆر لە بەغداد

شەفەق نیوز/ فەرماندەیی پۆلیس فیدراڵی، ئمڕوو پەنجشەممە، دەسگیرکردن توومەتباریگ داواکریاگ وە تیرۆر لە بەغداد راگەیان.

فەرماندەییەگە لە بەیاننامەیگ رەسیە ئاژانس شەفەق نیوز وت: وەگورەی زانیاریەیل هەواڵگری وە ئۆپراسیۆنیگ چینەیی، هیزیگ لە لیوای چوارەم فیرقەی یەکەم پۆلیس فیدراڵی وە پاڵپشتی تەقەلای هەواڵگری وە هاوکاری مەفرەزەیگ لە ئاسایش نیشتمانی، توەنست توومەتباریگ داواکریاگ وەگورەی مادەی ٤ تیرۆر لە ناوچەی زەعفەرانیە لە باشوور خوەرهەڵات بەغداد دەسگیر بکەێد.

وتیش: توومەتبارەگە هەواڵەی لایەنەیل پەیوەندیدار کریا، ئەرا تەواوکردن ریکارەیل یاسایی.