دەسگیرکردن باندیگ دزیکردن لە چوار ژن لە کەربەلا
2023-06-20T07:56:25+00:00
شەفەق نیوز/ وەزارەت ناوخوەیی عراق، ئمڕوو سێشەممە، دەسگیرکردن باندیگ دزیکردن لە چوار ژن لە پارێزگای کەربەلا راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: دەوریەی بەش خاڵەیل و ریوبانەیل دەیشتەکی لە پارێزگای کەربەلا، توەنست ئاشکرای ناسنامەی چوار ژن بکەێد ک پویل لە کەسیگ دزینە، دویای رەسین ئاگاداری وەلایەن هاووڵاتییگ ک ٣ مەلیۆن دینار لەلی دزیایە.
وتیش: ناونشان ئەو چوار ژنە وەلایەن بەش ئۆپراسیۆنەیل بڵاو کریا ئەرا گشت لایەنەیل ئەمنی، و دویای تەقەلای ئەمنی جیاوازیگ، لەبان رییگ دەیشتەکی دەسگیر کریان، و دریانە دەس لایەنەیل پەیوەندیدار ئەرا جیوەجیکردن ریکارەیل یاسایی.
