دەسگیرکردن بڕیگ کەس لە گروپ (قوربان) لە زیقار
سەرچەوەگە ئەرا ئاژانس شەفەق نیوز وت: هیزیگ ئەمنی لە هەواڵگری گشتی پەرد بوینە ناو ماڵ سەرکردەیل گروپ "قوربان" لە قەزای سوق شیوخ لە باشوو پارێزگای زیقار.
سەرچەوەگە وتیش: هیزە ئەمنیەگە توەنست 5 کەس سەر وەو گروپە لە ئاین دەرچگە دەسگیر بکەێد، وەبی ئاشکراکردن هویردەکاری زیاتر لەو ئۆپەراسیۆنە و ئایا سەرۆک گروپەگە هاناو ئەو کەسەیلە ک دەسگیر کریانە یا نە.
گروپیگ ک ناو خوەیان وە (ئەلقوربان) نانە، لە قەزای سوق شیوخ لە باشوور پارێزگای زیقار، رخیگ خستیەسە ناو مەردم ناوچەگە، دویای ئەوەگ یەکیگ لە ئەندامەیلیان وە پەتیگ لە یەکیگ لە دەسەیل ئیمام حسێن لە قەزاگە خۆی دادە سێدارە.
سەرچەوەیگ ناوخوەیی لە ناوڕاس مانگ ئایار ئەرا ئاژانس شەفەق نیوز وت: "ئی گروپە ئویشن ئیمام عەلی پەرەسن، وە هەر ماوەی جاریگ تیروپشک لەناوەین خوەیان کیشن، هەرکەسیگ ناوی دەرچوود بوودە قوربانی"ئیمام"، وتیش: "تا ئیسە 3 خوەیکوشتن لە خود شوینەگە تومار کریاگە، و دەسەگەی ئیمام حسێن کەفێدە باشوور ناسریە".
سەرچەوەگە وتیش: "نووڕین ئی گروپە رخیگ خستیەسە ناو مەردمەگە باشوور پارێزگای ذیقار".
