دەزگای خانەنشینی بەشەوکردن مووچەی خانەنشینەیل ئمڕوو لەجیای سەرەتای هەفتە راگەینێد
2025-04-30T11:41:50+00:00
شەفەق نيوز/ دەزگای خانەنشینی نیشتمانی، ئمڕوو چوارشەممە، دەسکردن وە بەشەوکردن مووچەی خانەنشینەیل مەدەنی و سەربازی ئەرا مانگ ئایار 2025 راگەیان.
دەزگاگە لە بەیاننامەیگ رەسیە ئاژانس شەفەق نیوز وت: ئمڕوو چوارشەممە دەسکردە بەشەوکردن مووچەی خانەنشینەیل مەدەنی و سەربازی، چوینکە رووژ یەک ئایار (سوو پەنجشەممە) کەفێدە پشوو فەرمی، و داوا لە گشت خانەنشینەیل کرد سەردەم لقەیل بانکەیل و شوینەیل خەرجکردن ئەلیکترۆنی بکەن هەناێ پەیام وەپییان رەسێد.
وەرجەیە، سەرچەوەیگ ئاگادار ئەرا ئاژانس شەفەق نیوز ئاشکرا کرد کە بەشەوکردن مووچەیل بڕیار بوی بکەفێدە سەرەتای هەفتەی ئایندە لەوەر پشوو، وەلێ سپۆنسەر دارایی لە ساعەتەیل رووژەگە تەواو بوی، کە ری وە مەرەقەزکردن مووچە ئەرا ئیدارەی ئمڕوو دا.
