دەیان هەزار کەس ئاهەنگ نەوروز لە "کەمەر" سنووری دیالە کەن
شەفەق نیوز/ وەرپرس و چالاکوانەیلیگ، ئمڕوو دووشەممە، دووپات لە گلەوخواردن کەرنەڤاڵەیل جەژن نەوروز وەشیوەی گەورەیگ ئەرا ناحیەیل مەنەلی و قەزانیە کرد، لە خوەرهەڵات دیالە لەبان سنوور ئیران، وەگەرد مەزەنەیلیگ لەهاتن زیاتر لە ٥٠ هەزار گەشتیار.
چالاکوان مەدەنی عومەر مەندەلاوی ئەرا ئاژانس شەفەق نیوز وت: ناوچەیل مەنەلی ئمڕوو قەرەباڵ لەبان ریەیل و شۆنەیل گەشتوگوزاری و ئاینی وەخوەی دی، ئەوەیش ئەرا ئاهەنگ جەژن نەوروز، لەناو کەشەوهەوای خوەشی لە گشت ناوچەیل مەنەلی.
مەندەلاوی دووپات کرد ک ئاهەنگەیل نەوروز لەی ساڵە وە شیوەی نەۊە، وە مەزەنەی هاتن زیاتر لە ٥٠ هەزار گەشتیار ئەرا گوزەرانکردن پشووەگە و کەرنەڤاڵەیل جیاواز لە ناوچەیل سروشتی مەنەلی، لەبان هشکەساڵی و ئەو رەوشەیلتر.
لەلای خوەییش مازن ئەکرەم جینشین وەڕیەوبەر ناحیەی قەزانیە باس پلانیگ ئەمنی و خزمەتگوزاری گشتگیر کرد ئەرا ئارامکردن جەژن نەوروز لە ١٠ ناوچەی گەشتوگوزاری لە مەزارەیل ئاینی و تاڤگە و بەنداو و باخەیل و ئەو شۊنەیل گەشتوگوزاری لە مەنەلی.
ئەکرەم ئەرا ئاژانس شەفەق نیوز وت: پلانەگە وەگورەی داباینی وەڕیەو چوود، هەرچەن قەرەباڵغ هەس و گەشتیار فرەیگ وەرەو ناوچەیل مەنەلی و قەزانیە تیەن، وتیش هشکەساڵی کاریگەری لەبان تایبەتمەنی نەوروز لە مەنەلی و قەزانیە نەیاشت.
ئەکرەم مەزەنەی هاتن دەیان لە گەشتیارەیل لە جۊراجور ناوچەیل ئەرا مەنەلی و قەزانیە کرد، تا جەژن نەوروز دۊای نەمان پەتای کۆرۆنا و قەیەغەی ئاهەنگەیل نەوروز لە دوو ساڵ گوزەشتە کرد.
