دیالە...ماڵ ئەندامیگ نوو لە ئەنجومەن پارێزگاگە کریا ئامانج و تەرم کوڕیگ پەیاکریا
سەرچەوەگە وە ئاژانس شەفەق نیوز وت، "کەسیل نەناسریایگ پەلامار ئەندامیگ نوو لە ئەنجومەن پارێزگاگە دانە کە سەر وە هاوپەیمانی "العزم فادي اللهيبي" وە نارنجەک کریاسە ئامانج لەناوچەی (رەکەت حەجی سەهیل) سەر وە ناحیەی سەلام باکوور خوەرهەڵات بەعقوبە".
وتیش "پەلامارەگە زەرەد مادی وە ماڵەگە رەسانیە وەبی هویچ زەردیگ گیانی"دیاریکرد "هيزە ئەمنیەگان لە شوین رویداوەگە ئامادەبوینە و لێکۆڵینەوە لە رویداوەگە وازکردنە".
وەپای هەمان سەرچەوە، "مەردمەگە و هێزەیل ئەمنی تەرم گەنجیگ وە ناو رەسوول حسێن کەرخی وە کوشیاگی لە ناو باخیگ پەیاکردنە لەناوەین (دەلی عەباس) سەر وە قەزای مەنسوریە و سنوور ناوچەی ئیسڵاح لە دەوروگەرد ناحیەی جەلەولا".
سەرچەوەگە وتیش؛ "گەنجەگە وەرجە دوو رووژ دیاری نەمەنیە و دانشتگ نایەی مەنسوڕیەس و خوەنەوار ئامادەیی بویە"، دیاریکرد" تا ئیسە هووکار رفانن و تیرۆرکردنی دیارنییە".
دووپاتکرد "هێزەیل ئەمنـی دەسکردنەس وە لێکۆڵینەوەی ئەمنی و هەمەلایەن ئەرا ئاشکەراکردن هووکار و چوینیەتی تاوانەگە".
