خوەیکوشتن فەرمانبەریگ لە موسەنا و تاوانیگ کوشتن زیقار لەرزنێد
شەفەق نيوز/ فەرمانبەریگ حکومەتی، ئمڕوو جمعە، لەناو ماڵەگەی خووی لە باشوور پارێزگای موسەنا خوەی دادە سێدارە، لە وەختیگ هیزەیل ئەمنی تەرم گەنجیگ لە باشوور پارێزگای زیقار پەیا کردن.
سەرچەوەیگ ئەمنی ئەرا ئاژانس شەفەق نیوز وت: فەرمانبەریگ حکومەتی لەداڵگبوی ساڵ 1997، لەناو ماڵەگەی لە قەزای خدر لە باشوور پارێزگای موسەنا خوەی کوشت، و هیمات مدووەیل خوەیکوشتنی نادیارە.
وتیش: هیزیگ ئەمنی روی وەرەو شوین رویداوەگە کرد، و ریکارەیل یاسایی جیوەجی کرد، و لێکۆڵینەوە ئەرا رەسین وە بندروس رویداوەگە واز کرد.
لە زیقار، سەرچەوەیگ ئەمنی ترەک، ئەرا ئاژانس شەفەق نیوز وت: گەنجیگ لەناو تەمەن بیس ساڵان، تەرمەگەی پەیا کریا لە دەورگرد ناحیەی گورمە باشوور پارێزگای زیقار، و دەرکەفت کە وە چەن گولەیگ کوشیاس، دیاری کرد کە هیزیگ ئەمنی لە ماوەی چەن ساعەتیگ توەنستن ئاشکرای بندروس رویداوەگە بکەێد.
سەرچەوەگە وتیش: دوو برا وە توومەت جیوەجیکردن تاوانەگە لەوەر پرسیگ رەوشتی دەسگیر کریان، کە ئیرنگە لە بنکەیگ پەیوەندیدار کەفتنەسە ژیر لێکۆڵینەوە.
