خنکانن گەنجیگ و مناڵیگ لە نەینەوا ودەسگیرکردن چەتەی خەڵەتانن لە بەغداد
شەفەق نیوز/ سەرچەوەیگ ئەمنی لە نەینەوا، ئمڕو شەممە، خەوەردا لە خنکانن گەنجیگ و مناڵیگ لە چەم دیجلەی نەینەوا، و دەسگیرکردن چەتەیگ خەڵەتانن لە بەغداد.
سەرچەوەگە ئەرا ئاژانس شەفەق نیوز وت: پۆلیس ئاوی تەرم گەنجیگ دویەکە خنکیا لەنزیک پوڵ چوارەم لە شار مووسڵ دراورد، و رەسانەی فەرمانگەی پزشک دادوەری.
و نشان دا ک مەلەوانەیل پۆلیس ئاوی هیمان وەردەوامن لە مینەی تەرم مناڵیگ لە ناو چەمیگ لە ناحیەی قەیارە خنکیاس، وتیش: تا چەن ساعەتیگ مینەی کردن وەلی لەوەر بنناین ئاوەگە تەرمەگە پەیا نەکریا.
لەلای خوەییش وەزارەت بناوخۆ لە بەیاننامەیگ رەسیە ئاژانس شەفەق نیوز وت: خەوەر رەسیە بنکەی پۆلیس زەهەب ئەبیەز لەبان چەتەیگ خەڵەتانن و فرووشتن پۆیلەیل بیگانەی بی ئەرزش.
و دیاری کرد ک تیمیگ مەیدانی دروس کریا و تویێنستن ئەو چەتە دەسگیر بکەن ک چەن تاوانیگ خەڵەتانن جیوەجی کردنە، وەسنگ ئەوە ک خوەیان بیگانەن و هاتنە دەسمیەتی وەپویل بیگانە بیەنە هاووڵاتییەیل وەرانوەر نیم ئەرزشەگەی.
وتیش چەتەگە لەناو لێکوڵینەوەیلە ئاشکرای کردەوەیل خوەیان کردن وە جیوەجیکردن ٨ تاوان خەڵەتانن وە پویلەیل فرەیگ.
