خنکیان دوو مناڵ و دزیکردن لە بەغداد

شەفەق نیوز/ دوو مناڵ، ئمڕوو سێشەممە،  وەخنکیان گیانیان لەدەسدان، مەوقەی مەلەوانیان لەناو یەکیگ لە جووەیل خوەرهەڵات بەغداد.   

سەرچەوەیگ لە پۆلیس ئەرا ئاژانس فڕانس پڕس وت: دوو مناڵ (ناخاڵە) لەناو پڕۆژەی کەناڵ جەیش لە بەغداد خنکیان.

سەرچەوەگە وتیش: تەرمەیلە دراوریان و دریانە دەس  یەکیگ لە خەسەخانەیل تا بیریەنە دەس خاوەنیان.   هەمیش لە بەغداد،  چەکدارەیلیگ نەناسریایگ چگنە ناو ماڵ ئەندامیگ لە وەزارەت ناوەخۆ لەناوچەی حەبیبیە، خوەرهەڵات پایتەخت.   

سەرچەوەیگ ئەمنی ئەرا ئاژانس شەفەق نیوز وت: چەکدارەیلە ٢٠ مەلیۆن دینار عراقی وەگەرد ماشینیگ مارکەی کەیا فۆرتی دزین و واین،

وتیش: ماڵەگە لە مەوقەی جیوەجیکردن دزیەگە کەسیگ لەناوی نەۊیە.