حكومه‌ت عراقى راسيه‌يل دريژه‌وكردن قه‌يه‌غه‌ى هاتوچوو له دوياى پشوو جه‌ژن ئاشكراكرد
شه‌فه‌ق نيوز/ رياز عه‌بدولئه‌مير ئه‌ندام ليژنه‌ى قه‌يران حكومى و وه‌ڕيه‌وبه‌ر ته‌ندروستى گشتى له وه‌زاره‌ت ته‌ندروستى، ئاشكراى راسيه‌يل دريژه‌وكردن قه‌يه‌غه‌ى هاتوچوو گشتگير كرد له عراق له‌شوون كووتاييهاتن پشوو جه‌ژن ره‌مه‌زان، وه بوونه‌ى به‌رزه‌وبوين فريه‌يگ له شماره‌ى حاڵه‌ته‌يل تويشبوين وه ڤايرۆس كۆرۆنا.
عه‌بدولئه‌مير ئه‌را ئاژانس شه‌فه‌ق نيوز وت: هويچ بڕياريگ نيه له‌باره‌ى دريژه‌وكردن قه‌يه‌غه‌ى هاتوچوو گشتگير ئه‌را دوياى ته‌واوبوين پشوو جه‌ژن ره‌مه‌زان و هويريش له ئيچنه برياريگ نه‌كرياگه‌و جوور هه‌وه‌جه‌يگ خواست نادوينيمنه‌ى، چوينكه دام و ده‌زگايه‌يليگ هه‌ن بايه‌سه واز بكريه‌ن و وه‌رده‌وامى بيه‌نه كاره‌يليان تا ژيان وه‌رده‌وام بدێ.
باس له‌وه‌يش كرد شانه‌ى قه‌يران قه‌يه‌غه‌ى هاتوچوو نيمچه‌يى هيلێد، وه‌مه‌رجيگ پابه‌ندبوين وه رينمايه‌يل تايبه‌ت بكريه‌ێد و له‌وانه‌يش: رێ وشوونه‌يل خوه‌يپاريزى و دويرگرتن له تيكڵايى و گردبوينه‌وه.
