حەلبوسی هووشداری دەێد لە سینیاریۆیلیگ ''نائاشکرا و رخبەر'' عراق وەرەو نادیاری بەێد
شەفەق نیوز/ محمد حەلبوسی سەرۆک ئەنجومەن نوێنەران، راگەیان ریە چاکسازیەگە لە عراق پەکی کەفت، هەرچن گەلەگە داوای ئاڵشتکردن کەێد، و بانگوازکرد ئەرا دویرەوکەفتن لە بڵاوکردن قسەیل خوەسەهاتگ و خیانەتکەر و رخبردن وتیرۆی.
حەلبوسی لە وتاریگی وەبۆنی عاشورا وت: ریە چاکسازیەگە جار لە شوون جار پەکی کەفێد، هەرچەن خەریخواز وشەریفەگان لەی وڵاتە تەقەلا دەن، وە ریگریەیلیگ دووارەکریاگ وجوورا جور، و هەرچەن گەلەگە داوای ئاڵشتکردن و چاکسازی کەێد وە هەڵبژاردنیگ زوینە و بەڕنامەیگ حکومەتی داواکاری هاووڵاتیەگان وەجی بارێد، لە دەرفەتەیل کار و خزمەتگوزاریە سەرەکیەگان ک ژیان گونجیاگیگ ئەرای دابین بکەێد.
وتیش: ئیمە ئەرک چگنمان وەبان ئی ریە خستیمنە گەردن خوەمان لەبان گشت سەختیەگان، وە بریگ لە ریکارەگان ک خوەیان لە ناخ ئەرک پەڕلەمانتاریمانە، ولە نوایان یاساداناین گەوهەریەگان و جەودیری توند وجوولەی سیاسیە وەگەرد هاوبەشەگان ئەرا لەیەکڕەسینەوە لە نەقشەی ری راسییگ و گورجیگ وڵاتەگە لە بازنەی خنکانن دەربکەید وەرەو ئاسمانیگ لە پێشکەفتن وگەشەکردن وچاکسازی راستەقینە.
حەلبوسی هەمیش وت: دوژمنەیل حەق، تەقەلادان ئەو بووشاییە ک رەوشە سیاسیەگان دروسی کردگە، فراوانیەو بکەن لەناوبەین گەلەگە و چینە حکومڕانەگە، و هاندەرەیل شەڕ وئاژاوە لە ری پەوەندیە کۆمەڵایەتیەگان ومیدیایل راگەیانن تەقەلا دان نیگەرانی وبیئومیدی بتەو بکەن و گەپەوکردن گرفتەگان ئەرا بەرزەوکردن تۆڕەیی.
سەرۆک پەرلەمان هەمیش وت: ئامانجەگە لەوە ئەوەسە ک دەرفەتیگ دروس بکەن ئەرا وتارەیل هشک وتۆڕە، دەرەگان ئەرا سینیاریۆیلیگ نائاشکرا ورخبەر کەێدەو، ک شایت وەرەو نادیاری بوەێدەمان، و دەرفەت چارەسەیەگە لەناو بیەێد، و تەقەلایل دڵسوزەگان و بفامەگان بشیونێد لەناوڕاس ئاژاوەیگ دروسکریاگ، ک دوژمنەیل ئی گەلە و دوژمنەیل یاسا پلان ئەرای دانەن، ک هەوڵدەن ئاژاوە بەرزەوبکەن، وگومان پەیا بکەن، ورزە نیشتمانیەگە لەیەک بیەن، وە پیلانیگ وەردەوامی لە بڵاوکردن وتار خوەسەهاتگ و خیانەتکەر ورخبردن وتیرۆری.
