جیگیربوین نرخ دۆلار دویای تەواوبوین جەژن قوربان
2023-07-02T07:52:18+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، جیگیر بوی، ئەوەیش دویای تەواوبوین پشوو جەژن.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە لە بەغداد پایتەخت، رەسیە ١٤٧٣٠٠ دینار عراقی، ک هەر خود نرخە لە رووژ سێشەممەی گوزەشتە، هەناێ پشوو جەژن قوربان دەسوەپی کرد.
پەیامنێر ئاژانسمان وتیش؛ نرخ فرووشتن و سەنین لە دوکانەیل ناوخوەیی بەغداد جیگیر بوی، ک نرخ فرووشتن ١٠٠ دۆلار ئەمریکی رەسیە ١٤٨٥٠٠ دینار عراقی، و نرخ سەنینی رەسیە ١٤٦٥٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش جیگیر بوی، ک نرخ فرووشتن ١٠٠ دۆلار ئەمریکی رەسیە ١٤٧٣٠٠ دینار عراقی، و نرخ سەنینی رەسیە ١٤٧٢٥٠ دینار عراقی.
