جیگیربوین نرخ تەڵا لە بازاڕەیل بەغداد

شەفەق نیوز/ نرخ تەڵای بیگانە و عراقی، ئمڕوو یەکشەممە، (٣٠ مارس ٢٠٢٥) جگیربوین توومارکرد لە بازاڕەیل بەغداد پایتەخت 

پەیامنێر ئاژانس شەفەق نیوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە ٦٤٣ هەزار دینار، و نرخ سەنینی رەسیە ٦٣٩ هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش جیگیربوین توومار کرد لەپای ٦١٣ هەزار دینار، و نرخ سەنینی رەسیە ٦٠٩ هەزار دینار.

لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار ٢١ ها ناوەین ٦٤٥ ـ ٦٥٥ هەزار دینار، و نرخ فرووشتن یەک مسقاڵ تەڵای عراقی ها ناونی ٦١٥ - ٦٢٥  هەزار دینار.