توومارکردن یەکەمین تویشهاتن وە بیماری مەلاریا ئەرا خانمیگ لە دەیشت وڵاتەو هاتیە
2024-07-05T08:45:51+00:00
شەفەق نیوز/ سەرچەوەیگ پزشکی، ئمڕوو جمعە، ئاشکرا کرد کە عراق یەکەمین تویشهاتن وە بیماری مەلاریا لە وڵاتەگە کرد، لەلای خانمیگ بیگانە.
سەرچەوەگە ئەرا ئاژانس شەفەق نیوز وت: ئەو خانم بیگانە لەناو کۆمپانیای پاکەوکردن ماڵەیل کار کەێد، وتیش؛ یە یەکەمین تویشهاتنە وە مەلاریا لە عراق.
وتیش: تیمەیل پزشکی ئیرنگە هانە وەشکین لە گشت ئەو شوینەیلە کە ئەو خانم بیگانە ئەرایان چگە.
لە ساڵ ٢٠١١، وەزیر تەندروسی عراق، مەجیدی ئەمین چووڵی وڵاتەگە لە بیماری مەلاریا لە ساڵ ٢٠٠٩ەو راگەیان.
جی باسە کە عراق لە ساڵەیل پەنجایەیل سەدەی گوزەشتەو دەسکردە لەناوبردن بیماری ، و تا ئاست گەورەیگ توەنست بڵاوبوینب بووڕێد، وەلێ لە ساڵ ١٩٩٠ەتۆینەی چوار هەزار تویشهاتن لە گشت وڵاتەگە توومار کرد، لەوەر بەدی رەوشەیل تەندروسی و ژیان گوزرانی لە فێلی پارێزگایل عراق.
