توومارکردن دوو تویشهاتن نوو وە تەو خوینوەربوین لە کەرکوک

شەفەق نيوز/ فەرمانگەی تەندروسی کەرکوک، ئمڕوو جمعە، توومارکردن دوو تویشهاتن نوو وە تەو خوینوەربوین راگەیان، دویای توومارکردن یەکەمین مردن وەی بیماریە لە پارێزگاگە لە ساڵ 2025.
سەرچەوەیگ پزشکی لە فەرمانگەگە ئەرا ئاژانس شەفەق نیوز وت: یەکیگ لەو دوو بیمارەیلە خەڵک ناوچەیل باشوور پارێزگاگەس، و ئەوەکە فەرمانبەر حکومەتیە، و ئەرا بنکەیگ تایبەتمەندار کلکریان.
وتیش: ئیرنگە هەردوگیان هانە خەسەخانە و کەرەنترین کریانە.
سەرچەوەگە وتیش: تیمەیل تەندروسی دەسکردن وە جیوەجیکردن ریکارەیل تەندروسی ئەرا وەشوینکەفتن تیکەڵابویەیل، و هەڵمەت هوشیاریکردن ئەرا مقیەتیبوین بەو ناوچە کە بیماریەگە لەناوی دەرکەفت.
فەرمانگەی تەندروسی داوا لە مەردم کرد پابەند بوون وە ریکارەیل مقیەتبوین، و دویرکەفتن لە سەربڕین هەڕەمەکی ئاژەڵ، وەگەرد دووپاتکردن لەبان گرنگی سەردان نزیکترین بنکەی تەندروسی هەناێ نشانەیل ناو خوینوەربوین دەرکەفن.
دویەکە پەنجشەممە، سەرچەوەیگ لە تەندروسی کەرکوک ئاگادار ئاژانس شەفەق نیوز کرد وە مردن یەکەمین بیمار وە تەو خوینوەربوین لە پارێزگاگە، دیاری کرد کە بیمارەگە لە سەرتا زیان لە تەو فرەیگ داشتر وەگەرد سەرژان و ژان لەش، تا رەسیە خوەینوربوین ناوی و دەیشتی، کە رەسیە چەودیاریکردن خەس.