تومارکردن دوو خوەیکوشتن وە ''سزانن'' لە بەغدا و دیالە تومار کریا یەکیگیان وە مردن کۆتایی هات

شەفەق نیوز/ سەرچەوەیگ لە بەغداد، ئمڕووە پەنجشەممە خەوەردا لە خوەیکوشتن دویەت گەنجیگ لە باکور پایتەخت، و هەمیس چارەسەر ئەرا یەکیگ ترەک کریایە کە خوەی سزانییە.

سەرچەوەگە وە ئاژانس شەفەق وت؛ ''دویەت گەنجیگ لەداڵگبوی ٢٠٠٧ لە ری وەکارهاوردن مادەی نەفت کۆتایی وە ژیان خوەی هاوردیە لە بان خانگ ماڵ خوەيیان لە ناوچەی شەعب باکور بەغداد، وە هوکار نادیاریگ.

وتیش؛ ''هێزەیل ئەمنی رەسینەس شوین رویداوەگە تەرمەگە ئەرا پزیشک دادوەری کلکردنە، و لێکۆڵینەوە لە چۆنیەتی رویدان رویداوەگە وازکریاس''.

سەرچەوەیگ ترەک لە دیالە دیاری کرد، لە رویداویگ هاوشیوە گەنجیگ سی ساڵان وە مادەی نەفت خوەی کوشتییە لە شار بەعقوبە، لە دویایی زەخمداری بوینی وە سەختی لە خەستەخانە چارەسەرکریا، وتیش هوکارەگەی وەردەوەردەی خیزانی بوییە.