تورکیا لە چالاکی خستن "وەرپرسیگ بازرگانیکردن وەمادەی هووشبەر" سەر وەپەکەکە لە سلێمانی راگەینێد
2024-01-02T08:21:11+00:00
شەفەق نیوز/ ئاژانس فەرمی تورکیا "ئانادۆڵ"، ئمڕوو سێشەممە، خەوەردا، دەزگای هەواڵگێری وڵاتەگەی توەنستیە "عەبدولموتەڵیب دۆغروحی" وەرپرس بازرگایکردن وە مادەی هووشبەر لە چالاکی بخەێد کە سەر وە پەکەکەس لە ئۆپراسیۆنیگ لە ئاوایەیل پارێزگای سلێمانیلە هەرێم کوردستان عراق.
ئاژانسەگە لە سەرچەوەیل ئەمنی تورکیا راگەیاندیە، دۆغروحی ناسریاگ وە "جسور وداد"، وەرپرس حیزبە لە بازرگانیکردن وە مادەی هووشبەر لە تورکیا.
هەمان سەرچەوەگە وتیش، "هەواڵگێریەیل دووپاتکردنە پەکەکە دۆغروحی کردیەسە رێکخەر و وەرپرس چالاکیەیل قاچاغکردن وە مادەی هووشبەر لە ئاوایەیل سلێمانی".
دیاریکرد، "لە ساڵ 2017 چویەسە عراق و دەسکردیە وە چالاکیەیلی لە ئاوایەیل سلێمانی".
