تەندروسی عراق باس کار رخبەریگ لەباوەت ئۆمیکرۆن و دەلتا کەێد
شەفەق نیوز/ وەزارەت تەندروسی و ژینگەی عراق، ئمڕوو پەنجشەممە، هوشداری لە بەرزەوبۊین پەتای رووژانە وە ڤایرۆس کۆرۆنا کرد، و هەمیش لە هاتن ئاڵشتبۊی ئۆمیکرۆن ئەرا ناو وڵاتەگە.
روبا فەلاح ئەندام تیم پزشکی راگەیانن وەزارەت تەندروسی ئەرا ئاژانس شەفەق نیوز وت: عراق بەرزەوبۊین لە شمارەی تۊیشبۊیەیل وەگورەی رووژەیل گوزەشتە وەخوەی دۊنێد، و وەگورەی رای پسپۆڕەیل لە زانست پەتا لەلای وەزارەت تەندروسی، ئەگەر هەس هەر مەوقەیگ ئاڵشتبۊیە نووەگە (ئۆمیکرۆن) باێدە ناو یا تۊشهاتن زیایە لە (دەلتا) بوود، هەکاتی فرەی دەوڵەتەیل ئەوروپا و هەمیش بەشیگ لە دەوڵەتە عەرەوەیلە، ک تۊشهاتن وە ئۆمیكرۆن توومار کردن.
و دیاری کرد ک شایەت بەرزەوبۊین پەتای رووژانە وە ڤایرۆس کۆرۆنا نشانەی رخبەریگ بوود و ئەگەر ئەوە زیای کەێد ک عراق بکەفێدە وەر شەپۆل چوارەم، و هاتن ئاڵشتبۊیە نووگە، ئەراوە بایەتە گشت هاوڵاتیەیل واکسین کۆڕۆنا بگرن، و پابەن وە ریکارەیل مقیەتیکردن سەخت بوون.
