تەقینەوەیگ شۆفێریگ کوشێد و یەکیگ تر باخچەی ماڵیگ لە باشوور بەغداد ویران کەێد
2020-11-15T08:58:16+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە تەقین بومبیگ دانریاگە لە ژیر یەکیگ لە ماشینەگان، و ئاماژە کرد و تەقینەوەی بومبەیگ تر لەناو ماڵیگ لە باشوور بەغداد.
سەرچەوەگە خەوەردا ئاژانس شەفەق نیوز ک تەقینەوەیگ لە ژیر ماشینیگ مەدەنی دانریاوید، لە مەوقەی رەد بوین ماشینەگە لە قەزای مەداین تەقیەو، و ئاماژە کرد ک تەقینەوەگە بویە هووکار کوشتن خاوەن ماشینەگە.
هەرلیوا، سەرچەوەگە وتیش: تەقینەوەی دەنگییگ لە ناوچەی حەی سەلام لەنزیک پوڵ دیالە لەناو باخچەی ماڵیگ تەقیەو.
سەرچەوەگە هەمیش وت: تەقینەوەگە بویە هووکار زەرەدەیلیگ دارایی وەبی زەخمداربوینیگ لە خەڵک ماڵەگە، و ئاماژە کرد ک هێزیگ ئەمنی رەسیە شوون رووداوەگە ئەرا لێکۆڵینەوە، و تەرم شۆفیرە کوشیایەگە ئەرا پزشک دادوەری رەوانە کریا
