تەقەلایگ رفانن لە دوزخورماتوو رەسیە زەخمداری گەنجیگ

شەفەق نیوز/  سەرچەوەیگ ئەمنی، ئمڕوو چوارشەممە، خەوەردا لە زەخمداری گەنجیگ لە دویای تەقەلای رفاننی  وەلایەن کەسەیلیگ نەناسریاگ لە دەوروگەرد قەزای دوزخورماتوو لە خوەرهەڵات قەزای سەڵاحەدین.

سەرچەوەگە وە ئاژانس شەفەق نیوز وت، چەکدارەیلیگ ک چەک و ئامێر هەڵگردوێن تەقەلای رفانن گەنجیگ لە کویچەی " جمهوریە" دانە ک فرەیگیان کوردن لە خوەرهەڵات قەزای دوزخورماتوو، وەرگری لە خوەی کردیە و رویوەرویان بویەسەو لە ئەنجام تویش زەخمداری بویە و چەکدارەیلیش ئەرا شوین نادیاریگ واینە.

وتیش هێزەیل ئەمنی لە شوین رویداوەگە ئامادە بوین و گەنجەگە ئەرا خەسخانەی دوزخورماتوو کلکردن و لێکۆلینەوە لە رویداوەگە وازکردن، دووپاتکرد لەوە رویداوەگە تاوانی بویە و دویرە لە کردەوەی تیرۆرستی.