بانوخوارکردن پلەی گەرمی.. کەشوهەوای عراق تا سەرتای هەفتەی ئایندە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، رووشنە تا نیمچە ئەورە لە ناوچەی ناوڕاس، و لە ناوچەی باکوور ئەورە وەگەرد نمە وارانیگ وەخت شەو کەمیگ زیایەو بوود، و لە ناوچەی باشوور رووشنە وەگەرد لەکە ئەورە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ بەرزەو بوود.
وتیش: رووژ پەنجشەممە، لە ناوچەی ناوڕاس رووشنە تا نیمچە ئەورە، و لە ناوچەی باکوور ئەورە وەگەرد نمە وارانیگ، و لە ناوچەی باشوور رووشنە وەگەرد لەکە ئەوریگ، پلەی گەرمی لە بەشەیل ناوڕاس و باشوور کەمیگ بەرزەو بوود، و لە ناوچەی باکوور کەمیگ نزمەو بوود.
دەسەگە دیاری کرد کە کەشوهەوای رووژ جمعە، لە ناوچەی ناوڕاس و باشوور رووشنە تا نیمچە ئەورە، وەگەرد دەرفەت پرزە وارانیگ لە وەخت شەو، و لە ناوچەی باکوور ئەورە وەگەرد نمە وارانیگ، و پلەی گەرمی لە بەشەیل ناوڕاس و باشوور نزمەو بوود، و لە ناوچەی باکوور نزیک رووژ وەرجە خوەیە.
دەسەگە وتیش؛ کەشوهەوای وڵاتەگە ئەرا رووژ شەممەی ئایندە، لە ناوچەی ناوڕاس نیمچە ئەورە تا ئەور تەواوە، وەگەرد نمە وارانیگ، و لە ناوچەی باشوور رووشنە تا نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
