بانكيگ حكومى له‌باره‌ى گرده‌وبوين و كاريگه‌ريه‌يلى وشدارى دا
شه‌فه‌ق نيوز/ بانك رافده‌ين، ئاشكراى ده‌سوه‌پيكردن ده‌وام و كاره‌يلى كرد له لقه‌يلى له به‌غدا و پاريزگايه‌يل تر وه‌شيوه‌يگ فه‌رمى له‌وه‌ر ته‌واوكردن ئه‌رك و كاره‌يل بانكى.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ ئه‌را ئاژانس شه‌فه‌ق نيوز وت: وه‌گووره‌ى رينمايه‌يل وه‌زير دارايى و سه‌رپه‌رشتى و چه‌وديرى له وه‌ڕيه‌وبه‌ر گشتى بانكه‌گه بڕيار دريا ده‌وام له لقه‌يل بانكه‌گه ده‌س وه‌پى بكاو نه‌كه‌فتنه‌سه وه‌ر قه‌يه‌غه‌ى هاتوچوو گشتگير، ئه‌ويش له‌وه‌ر ته‌واوكردن كاره‌يل بانكى ك وه‌پى راسپارياگه.
جى باسه، بانك رافده‌ين رينماييش دا لقه‌يلى رێ وه هويچ گرده‌وبوينيگ نه‌يه‌ن ك كاريگه‌رى خراو بكاده بان ژيان سه‌ردانيكه‌ره‌يل و رويداين ئنسيابيه‌ت له كار بانكى وه‌ل گرتنه‌وه‌ر مه‌رجه‌يل سه‌ڵامه‌تى و خوه‌يپاريزى ته‌ندروستى له ڤايرۆس كۆرۆنا.
