بانك رافده‌ين قه‌رز 50 مليۆنيه‌گه ئه‌را بنايه‌كردن وه دو قۆناغ ئه‌ياده هاووڵاتيه‌يل
2020-02-03T08:08:27+00:00
شه‌فه‌ق نيوز/ بانك رافده‌ين ئاشكراى ئه‌وه كرد ك قه‌رز 50 مليۆنى ئه‌ياده هاووڵاتيه‌يل له‌وه‌ر بنياتكردن له پارچه زه‌وييگ نيشته‌جێ، ئه‌ويش وه دو قۆناغ.
له‌ى باوه‌ته‌و، نوسينگه‌ى ره‌سانن بانكه‌گه له به‌ياننامه‌يگ وت: قۆناغ يه‌كه‌م ئه‌را قه‌رزه‌يل بنياتكردن 25 مليۆن ديناره تا ته‌واوكردن به‌تلۆ، وه‌لێ قناغ دويه‌م ك ئه‌ويش 25 مليۆن تره تا ره‌ساننيه وه بنميچ.
به‌ياننامه‌گه هه‌ميش وت: له مه‌رجه‌يل ئى قه‌رزه ئه‌وه‌سه ك هاووڵاتى پارچه زه‌وييگ نيشته‌جێ وه‌ناو خوه‌يه‌و بياشتوود يا وه‌ناو هاوبه‌ش وه‌گووره‌ى تاپوو و ته‌ئيديگ وه‌ليا بدێ له ده‌زگاى تۆماركردن عه‌قارى له‌وه‌ر ئه‌وه‌گ بخريه‌ێد گره‌و له‌لاى بانكه‌گه وه‌ل پيشكه‌شكردن خه‌ريته‌و موڵه‌ت بنياتكردن وه‌ناويه‌و.
