بانک ناوەندی عراق نزیکەی ٣٠٠ ملیۆن دۆلار فرووشێد
پەیامنێر ئاژانس شەفەق نیوز وت: بانک ناوەندی عراق لە زیایکردن ئاشکرای بڕ ٢٨٣ ملیۆن و ٦١٦ هەزار و ٤١٦ دۆلار فرووشت، کە وە نرخ بنەڕەتی ١٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاوەکردن ناودەوڵەتی ئەرا کارت ئەلیکترۆنی فرووشت، وە نرخ ١٣١٠ دینار ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە شیوەی کاش.
وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی ٢٦٨ ملیۆن و ٦٦ هەزار و ٤١٦ دۆلار بویە، کە وەریژەی ٩٤% زیای کردگە وەچەو فرووش کاش کە ١٥ ملیۆن و ٥٥٠ هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە رەسیە دوو بانک، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٧ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە رەسیە ١٣ کۆمپانیا.
