باڵیۆز بەریتانیا گاڵ عراق لەبان رێککەفتنەیل نوویگ لەباوەت ئاو دەێد و دەسخوەشی لە هەرێم کوردستان کەێد
شەفەق نیوز/ ماڕک برایسون دیچاردسون باڵیۆز بەریتانیا لە بەغداد، ئمڕوو پەنجشەممە، گاڵ عراق دا تا رێککەفتنەیل نوویگ لەباوەت ئاو وەرد دەوڵەتەیل هاوسا ئەنجام بەێد، و دەسخوەشی لە هەرێم کوردستان کرد ئەرا نواگیریکردن تیرۆر و وەرگریکردن لە خوەی و گشت عراق، و دووپات لە پاڵپشتیکردن وڵاتەگەی کرد ئەرا چارەکردن گرفتەیل گیرهاتگ ناوبەین هەولێر و بەغدا کرد.
ریچاردسون لە پەراویز بەشداریکردنی لە دیدار ئاشتی و سەقامگیری لە خوەرهەڵات ناوڕاس لە زانکۆی ئەمریکی لە دهۆک وت: گیچەڵ گەورەی ناوچەگە ها کەم ئاوی، و دووپات کرد ک یە گرفتیگ هەرێمیە، باوجی کاریگەری لەبان ناوچەگە و ئارامیی دیرێد.
وتیش: ریگری لەی باوەتە هەس، و ئەرک گشتیە کار لەناو یەک تیم مرۆیی بکەن، و بایەتە عراقیەیل رێز لە پەیوەندیەیل دووانی و بەرژەوەنی هاوبەش وەرد دەوڵەتەیل هاوسا بگرن، و کار ئەرا گورجکردن رێککەفتنەیل نوویگ وەرد دەوڵەتەیل هاوسا بکەن.
باڵیۆز بەریتانیا وتیش: دەسدرویژی لەبان بنەمای سەروەری عراق ک ئیرنگە لەلایەن دەوڵەتەیل هاوسا کریەێد، باوجی من نووڕم ک گرفتەگە فرە لەوە گیچەڵترە، و بایەتە خاوەن کردارەیل هەرێمی و خاوەن بڕیارەیل هویر وە جەنگکردن تیرۆر بکەن، و ژیانیگ لە ئاشتی و ئارامی دروس بکەن.
لەباوەت هەرێم کوردستان، باڵیۆز بەریتانیا وت: هەرێم کوردستان توانا دیرێد بوودە خاوەن کاریگەری وەهازیگ ئەرا چارەکردن گرفتەیل لە عراق.
باس رێککەفتن شنگال کرد، ک کوردستانیەیل بەشدار بوین لە واژووکردنی، و لەی باوەتە گورج بوینە، و وەرگری لە ناوچەگە کردنە لە جەنگ تیرۆر و لە وەرگریکردن لە عراق و هەرێم.
هەمیش وت: ئیمە بەشداریگ گورجیمن وەگەردیان، و خوازیمن کەناڵەیل نوویگ و ریەیل ئەرا چارەکردن گرفتەیل ناوبەین هەولێر و بەغدا واز بکەیمن، ک نوای ریەگە گرن، و دووپات کرد ک یە ستراتیژە گەپەگەس ک لە بەریتانیا پشت وەپی بەسیاگە.
