بەڵگەنامە...دادگای عراقی سزای هەفت ساڵ زیندانیکرد لەبان "رەغەد سەدام حسێن" دەرکرد
2023-10-22T13:07:34+00:00
شەفەق نیوز/ دادگای تاوانەیل کەرخ لە بەغدای پایتەخت، ئمڕوو یەکشەممە، سزای هەفت ساڵ زیندانیکردن لەبان "رەغەد" دویەت سەرۆک وەرین عراق سەدام حسێن دەرکرد لەوەر بڵاوکردن هویرەیل حزب بەعس کە لە وڵاتەگە قەیەغەس.
وەپای سزایگ کە لە بڕوار 22 تەشرین یەکەم دەرچگە و ئیمزای سێ دادوەر هابانی، سزای غیابی ئەرا (رەغەد سەدا حسێن) دەرکریا وە هەفت ساڵ زیندانیکردن، وەپای بڕگەیل مادەی (9) لە یاسای قەیەغەکردن حزب بەعس و قەوارەی چالاکییە تیرۆرییەیل شمارە 32 ساڵ 2016دریاگە، ، کە توومەتبارە وە بڵاوکردن هویر نووڕین و چالاکی حزب بەعس قەیەغەکریاگ، لە ری دەرکەفتنەیلی لە تووڕە کۆمەڵایەتییەیل و کەناڵە تەلەڤزیۆنییەیل لە ساڵ 2021.
