بەغداد.. کوشیان کەسیگ وە گولەی وڵیگ و زەخمداری ٣ کەسیش وە مرافەیگ

شەفەق نیوز/ سەرچەوەیگ ئەمنی، ئمڕوو جمعە، خەوەردا لە کوشیان کەسیگ و زەخمداری ٣ کەستر لە بەغداد پایتەخت.  

سەرچەوەگە ئەرا ئاژانس شەفەق نیوز وت: پیاویگ لەداڵگبۊ ١٩٧٨ وە گولەی وڵیگ لەناوچەی شورتە خامسە باشوور بەغداد کوشیا.  

سەرچەوەگە وتیش: مرافەیگ لەناوبەین هووز بیزان و زرگان رەسیە چەک و تەقەکردن لە قەتاع ٤٨ لە شار سەدر بۊیە هووکار زەخمداری گەنجیگ لەداڵگبۊ ١٩٩٣ ، و دۊەتیگ لەداڵگبۊ ٢٠٠١ ، و ژنیگ لەداڵگبۊ  ١٩٩٩.  

سەرچەوەگە وتیش: زەخمدارەیل رەسیانە خەسخانە،  و هیزیگ ئەمنی رەسیە شۊنەگە ئەرا دەسگیرکردن تاوانکارەیل.