بەغداد.. کوڕیگ سەر باوگەگەی بڕێد و ژن پەنجا ساڵانیگ خوەی کوشێد
شەفەق نیوز/ سەرچەوەیگ ئەمنی، ئمڕوو دووشەممە، خەوەردا ک تەرم پیاو سەڕبریاگیگ دینەو لە بەغداد پایتەخت، وهەمیش ژنیگ خوەی سزانیە، و چەکدارەیلیگ تەقەلای دزیکردن ماشینیگ دان وزەخمدار خاوەنەگی کردن.
سەرچەوەگە ئەرا ئاژانس شەفەق نیوز وت: هێزیگ ئەمنی تەرم پیاویگ وەناو 'ج.ح' دینەو وەچشت تیژیگ لەملەو سەری بڕیاگە، و لەناو ژووریگ لە ماڵەگەی خوەی، لە ناوچەی زەعفەڕانیە، و ئاماژەدا ک پیاوەگە وەدەس کوڕ خوەی کوشیاگە.
سەرچەوەگە وتیش: کۆمەڵە چەکداریگ وەکوڵ ''تکتک'' تەقەلادان ماشینیگ مارکەی لاندگڕۆز بدزن ک خاوەنەگەی پزشک گووش ولووت و قوڕگە، لە ناوچەی بەلەدیات.
وتیش؛ خاوەن ماشینەگە کەفتە شوون کۆمەڵەگە و تەقە لەلی کریا، و دریا ناو زگی، و ماشینەگە هیشتنە جی.
لەچینیگ تر ، ژنیگ لەداڵگبوی ١٩٧٠ لەناو ماڵەگەی خوەی سزان لە ناوچەی گەڕەک موعەلمین لە ناوچەی نەهڕەوان.