بەغداد.. زەخمداری ژنیگ وە گولە وەگەرد دوو ئەندام ئەمنی وە رویداو هاتوچو
شەفەق نیوز/ سەرچەوەیگ ئەمنی لە بەغداد، ئمڕوو دووشەممە، خەوەردا لە زەخمداری ژنیگ وە گولە لەئەنجام وردەوردەیگ خێزانی، وەگەرد زەخمداریبوین دوو ئندام ئەمنی وە رویداو هاتوچو لەهەمان وەخت سێ ئەندام ئەمنی ترەک لەوەر وردەوردە دەسگیرکریان.
سەرچەوەگە وە ئاژانس شەفەق نیوز وت، "وردەوردەیگ لەناوەین دوو برا رەسیەس ئەرا وەکارهاوردن چەک سوک لەناو ماڵ خوەیان لەناوچەی مەزهەریە باشوور پایتەخت، لەئەنجام ژن یەکیگیان زەخمداربویە گولە وەر شانی کەفتیە و تاوانبار ئەرا شوین نادیاریگ وایە".
وتیش "ژنە زەخمدارەگە پەرا چاەسەرکردن کلکریاسە خەسخانە".
دیاریکرد "دوو ئەندام ئەمنی وە رویداویگ تلانن لوەخت ئەرکەگەیان لە باگەی سمود لەناوچەی سەرد یوسفیە باشوور بەغداد زەخمداربوینە لەدویای ئەوەگ رانندیماشینیگ کۆنترۆل لە دەس دەێد".
وتیش "دوو زەخمدارەگە ئەرا چارەسەرکردن کلکریانەس خەسخانەی نزیکیگ، خاوەن ماشینەگە رێکار یاسایی وەرانوەری گیرێدەوەر".
سەرچەوەگە وتیش "دوو چەکدار وەناو ماشینیگ مەدەنی تەقە لە ماڵ ئەندامیگ ئەمنی پاسەوان پاس کردیە لە ناوچەی ئەبو دشیر باشوور بەغداد وەبی ئەوەی باس لە زەخمداریەیل بکرێد" وتیش "هووکار تەقەکردنەگە گیچەڵ مادی بویە لەناوەین هەردوو لا".
